АҚШ Қызылтеңізде шабуылға ұшыраған кеме туралы мәлімдеме жасады

Америка Құрама Штаттары (АҚШ) Йемендегі хоуситтердің Қызылтеңізде атқан кеменің грек компаниясына тиесілі екенін және кеменің Маршалл аралдары жалаулы болғанын хабарлады.

АҚШ Орталық қолбасшылығының (CENTCOM) «Х» әлеуметтік желісіндегі аккаунтынан хоуситтердің Қызылтеңізде нысанаға алған «Star Iris» атты кеме туралы мәлімдемеді.

Мәлімдемеде хоусилердің кеше Баб әл-Мандаб бұғазында Бразилиядан жүгері тасымалдаған грек компаниясына тиесілі Маршалл аралдары жалауы бар жүк кемесіне қарай 2 зымыран ұшырғаны атап көрсетілді.

Кеменің шамалы зақымданғаны және экипаж мүшелерінің жарақат алмағаны, кеменің баратын жерінің Иран екені атап көрсетілді.

Йемендегі хоуситтер Қызылтеңізде АҚШ кемесіне шабуыл жасағанын жариялады.

Хоуситтердің әскери мәлімдемешісі Яхия Сери кеше жасаған мәлімдемесінде «Палестина халқына бағытталған қысым және елімізді нысанаға алған АҚШ пен Ұлыбритания жасаған шабуылдарға жауап ретінде Йемен Қарулы Күштерінің Әскери теңіз күштері (хоуситтер) Қызылтеңіздегі американдық «Star Iris» атты кемесін көптеген теңіз зымыранымен нысанаға алды. Алланың көмегімен бұл зымырандар нысанаға тиді» деді.

АҚШ пен Ұлыбританияның Йемендегі шабуылдарына жауап қайтарудан тартынбайтындарын айтқан Сери Қызылтеңізден өткен АҚШ пен Ұлыбритания кемелерінің өздері үшін «заңды нысана» екенін қайталаған еді.