Жапонияда Осака әуежайында екі жолаушы ұшағы соқтығысты

Ресми «Kyodo» агенттігінің хабарлауынша, апат Итами әуежайында жергілікті уақыт бойынша сағат 10.10-да болған.

Ішкі терминалдың ұшу-қону жолағында болған апатта экипаж мүшелері мен жолаушылар зардап шекпеді, ұшақтарға аздаған зақым келген.

2 қаңтарда астанасы Токиодағы Ханеда әуежайында бортында 300-ден астам адам болған жолаушылар ұшағы ұшып-қону жолағында жағалау күзетінің ұшағына соғылып, өртеніп кеткен. Өртеніп жатқан ұшақтағы жолаушылар соңғы сәтте эвакуацияланып, құтқарылған. Сондай-ақ бөлініп кеткен шағын ұшақтағы 5 адам қаза тапқан еді.