АҚШ атысты тоқтатуды қаламайды

Америка Құрама Штаттары (АҚШ) әкімшілігі Газа секторында жалпы атысты тоқтатуды қаламағандарын, алайда тұтқындарды шығару және аймаққа көмек жеткізу үшін «гуманитарлық үзілістерді» қолдайтындарын жариялады.

Ақ Үйдің Ұлттық Қауіпсіздік кеңесі стратегиялық коммуникациялар үйлестірушісі Джон Кирби күнделікті баспасөз мәслихатында Газа секторындағы соңғы жағдай мен Израильдің шабуылдарын талқылады.

Джон Кирби журналистердің Газа секторында Израиль шабуылдарының күшеюіне қатысты сұрақтарын теріске шығарып, «Бұл мәселе Израиль әкімшілігінің әскери жоспары» деп, АҚШ әкімшілігі ретінде Израильдің Хамасты жою тәсілін қолдағанын, бірақ палестиналық бейбіт тұрғындарды да қорғау керектігін атап көрсетті.

«Тұтқындарды алып шығу үшін гуманитарлық үзілістерді қолдағанмен, жалпы «атысты тоқтатуды» қаламаймыз. Бұл мәселеге қатысты саясатымыз өзгерген жоқ» деген Кирби Израильдің Хамасқа қарсы соғысып жатқанын және «өзін қорғауға құқығы бар» екенін түсіндірді.

Хамастың әскери қанаты Кассам бригадасы 7 қазан күні Израильге «Ақса топаны» деген атпен операция жасағанын хабарлаған болатын.

Израиль армиясы да Газа секторына қарсы «Темір қылыштар» операциясын бастағанын жариялады.

Шиеленіс кезінде қазірге дейін көпшілігі бала мен әйел барлығы 25 мыңнан астам палестиналық қаза тапты.