Хамас пен Израиль гуманитарлық көмек туралы келісім жасады

Израиль Газа секторындағы израильдік тұтқындарға дәрі-дәрмек таратудың сәрсенбі күні (бүгін) басталатынын хабарлады.

Израиль премьер-министрі Беньямин Нетаньяхудың кеңсесінің «X» әлеуметтік желісіндегі аккаунтынан тақырып туралы жазбаша мәлімдеме жасалды.

Мәлімдемеде «Дәрі-дәрмектерді тасымалдау процесі Израиль Барлау қызметі «Моссад» басшысы Дэвид Барнеаның Катармен израильдік тұтқындарға дәрі-дәрмек жеткізу туралы келісімге келгеннен кейін жүзеге асады» делінді.

«Сәрсенбі күні Катар Әскери әуе күштеріне тиесілі екі ұшақ (Хамас тарапынан) тұтқындардың медициналық қажеттіліктері бағытында Израильде дайындалған тізім бойынша Франциядан сатып алынған дәрі-дәрмекті тасымалдау үшін Мысырға қарай ұшады» делінген мәлімдемеде ұшақтар Мысырға жеткенде, катарлық өкілдердің дәрі-дәрмектері Газа секторына, сол жерден соңғы аялдамасына тасымалданатыны айтылды.

Катар кеше Израиль мен Хамас арасында Газа секторындағы тұтқындарға дәрі-дәрмек жеткізу үшін аймақтағы бейбіт тұрғындарға да дәрі-дәрмек және гуманитарлық көмек жеткізуді қамтитын келісім жасалғанын хабарлаған еді.

Израиль армиясының мәліметінше Газа секторында 136 израильдік тұтқын бар.

Катар мен Мысырдың бітімгерлігімен Газа секторындағы қақтығыстар 24 қараша күні 4 күнге, кейінірек тағы 3 күнге ұзартылған «атысты тоқтату» кезінде 81 израильдік пен 240 палестиналық тұтқын өзара босатылған болатын.