Израиль бірінен соң бірі қырғындарын жалғастыруда

Израиль әскері әуе және теңіз шабуылдарымен Газа секторындағы «Әл-Мегази» босқындар лагерінде орналасқан БҰҰ-ның Таяу Шығыстағы Палестиналық босқындарға жәрдем және қоғамдық жұмыстар агенттігіне тиесілі бір мектепті нысанаға алды. Шабуылда кем дегенде 4 палестиналық қаза тауып, көптеген адам жараланды.

Израильдің әскери ұшақтары Газа секторының оңтүстігіндегі Хан Юнус қаласында да Израиль шабуылдарынан қашқандар паналаған бір үйді нысанаға алды.

Шабуыл кезінде көпшілігі бала кем дегенде 12 палестиналық қаза тауып, 50 адам жарақат алды.

Басқыншылық астындағы Шерияның батысы мен Иерусалимнің шығысында Израиль рейдтер мен шабуылдарын жалғастыруда.

Израиль әскерлерінің Йенин қаласында пилотсыз әуе көлігімен жасаған шабуылында төртеуі бір отбасының мүшесі, барлығы 6 палестиналық қаза тапты.

Наблус, Бетлехем, Селфит және Иерусалимнің шығысында жүргізілген рейдтер кезінде 22 палестиналық ұсталып, үйлеріне зақым келтірілді.

Палестина тұтқындар қауымдастығы мен Палестина тұтқын істері комитеті Израиль күштерінің Шерияның батысы мен Иерусалимнің шығысында жасаған адамгершілікке жатпайтын әрекеттеріне байланысты мәлімдеме жариялады.

Газа секторына шабуылдар басталған 7 қазан күнінен бері басқыншылық астындағы Шерияның батысы мен Иерусалимнің шығысында тұтқындалған палестиналық санының 5 мың 680-ге жеткені білдірілді.

Израиль түрмелері мен қамау орындарындағы палестиналық тұтқындар санының 8 мың 800-ге жеткені хабарланды.

Израиль күштері 7 қазан күнінен бері Газа секторына жасаған шабуылдарында 10 мың бала мен 7 мың әйелді өлтірді.

Газа үкіметінің баспасөз қызметінен жасалған мәлімдемеде Израиль күштерінің Газа секторында 1903 «қырғын» жасағаны, ауруханаларға жеткізілген мәйіт санының 22 мың 722 екені және 58 мың 166 адамды жаралағаны білдірілді.

Жалпы 2,3 миллион халқы бар Газа секторында 2 миллион адам босқынға айналса, 70 пайызы бала мен әйел, барлығы 7 мың адам із-түзсіз жоғалды.