Судан БАӘ-нің 15 дипломатының елден кетуін талап етті
Судан Сыртқы істер министрлігі тақырыппен байланысты мәлімдеме жасады.
Судан Біріккен Араб Әмірліктерінің (БАӘ) 15 дипломатынан 48 сағаттың ішінде елден кетуін талап етті.
Судан Сыртқы істер министрлігі жасаған жазбаша мәлімдемеде БАӘ-нің 15 дипломаты үшін «персона нон грата» деп жариялау шешімін БАӘ-нің Судандағы уақытша сенімді өкілі орынбасары Бедрийе әл-Шаххиге жеткізілгені білдірілді.
Мәлімдемеде аталмыш 15 адамның 48 сағат ішінде Суданнан кетуінің талап етілгені атап көрсетілді.
Суданның Егемендік кеңесі мүшесі және армия қолбасшысы орынбасары генерал Ясир әл-Ата 27 қараша күні бас қала Хартумның батысындағы Омдурман қаласындағы «Вади Сеййидна» атты әскери әуе базасында сөйлеген сөзінде «БАӘ-нің мафиялық бір ел екенін және қарулы топтарға (Жылдам қолдау күштеріне) көршілес елдердің әуежайлары арқылы үнемі қолдау көрсеткенін» алға тартты.