Катар Газа секторына 116 тонна гуманитарлық көмек жіберді

Катар Израиль басқыншылығы мен үздіксіз шабуылдары жалғасқан Газа секторына жеткізу мақсатымен 116 тонна гуманитарлық көмек тиеген 3 әскери ұшақты Мысырға жіберді.

Катар Сыртқы істер министрлігі тақырыппен байланысты жазбаша мәлімдеме жасады.

Мәлімдемеде Газа секторындағы Палестина халқына гуманитарлық көмек тасымалдаған Катар Қарулы күштеріне тиесілі 3 әскери ұшақтың Мысырдың Әл-Ариш қаласына жіберілгені атап өтілді.

Жалпы салмағы 116 тонналық ұшақтарда азық-түлік, дәрі-дәрмек және баспана материалдары бар екені білдірілді.

Катар 9 қараша күні де Газа секторына 180 тонналық гуманитарлық көмек тиеген 4 әскери ұшағын жіберген болатын.