Мария Захарова Хамас қозғалысына алғысын білдірді
Хамас орыстың екі азаматын босатқан еді.
Ресей Сыртқы істер министрлігінің баспасөз хатшысы Мария Захарова Ресейдің кепілге алынған ресейліктерді босатқаны үшін Палестинаның Хамас қозғалысына алғысын білдірді.
Захарова «Хамаспен келісімге сәйкес, 29 қарашада Газа секторында кепілде қалған азаматтарымыз - Елена Труфанова мен Ирина Татти босатылды. Біз ХАМАС ұйымына үндеуімізге оң жауап бергені үшін алғыс айтамыз. Газа секторында ұсталған басқа азаматтарымызды мүмкіндігінше тезірек босату үшін күш-жігерімізді жалғастырамыз», - деді.
29 қарашада Хамас кепілге алған екі ресейлік азаматтың босатылып, Қызыл Крест ұйымына тапсырылғанын хабарлаған еді. 26 қараша күні де Хамас Израиль мен Палестина арасындағы тұтқын алмасу келісімінен тәуелсіз Рон Кривой есімді ресейлікті босатып, Захарова Хамастың бұл қадамын ізгі ниеттің белгісі деп бағалаған болатын.
