Израиль күштері екі баланы атып өлтірді

Израиль күштерінің басып алынған Батыс Шериядағы Дженин қаласында 2 баланы оқпен атып өлтіргені хабарланды.

Израиль күштерінің Батыс Шерияның солтүстігіндегі Дженин қаласына шабуылы жалғасуда.

Палестина ақпарат көздері Израиль күштерінің Дженин қаласы мен Дженин босқындар лагерін «жабық әскери аймақ» деп жариялағанын хабарлап, рейд барысында көптеген палестиналықты ұстағанын білдірді.

Палестина Денсаулық сақтау министрлігі де жазбаша мәлімдемеде Израиль күштерінің Дженинде 2 палестиналық баланы атып өлтіргенін хабарлады. Палестина Қызыл Жарты ай ұйымы Израиль күштері өлтірген балалардың бірінің 9 жаста екенін жариялады.