АҚШ-тан атысты тоқтату мәлімдемесі

Америка Құрама Штаттары (АҚШ) әкімшілігі Израильдің қарқынды бомбалауына ұшыраған басқыншылық астындағы Газа секторындағы атысты тоқтату шақыруымен байланысты «Қазіргі уақытта атысты тоқтатудың «Хамас»-тығ мүддесіне екеніне сенеміз» деді.

Ақ Үйдің Ұлттық қауіпсіздік кеңесінің стратегиялық Коммуникациялық ұйымдастырушысы Джон Кирби баспасөз өкілдерінің сұрақтарына жауап қайтарды.

Кирби Газа секторындағы бейбіт тұрғындар үшін атысты тоқтату көзқарасына қатысты «Біз қазір атысты тоқтатудың дұрыс жауап екеніне сенбейміз. Қазір атысты тоқтатудың Хамасқа пайда әкелетініне сенеміз» деді.

Кирби елінің Газадағы зорлық-зомбылықтан құтылуды қалайтын бейбіт тұрғындарды эвакуациялау және атысты тоқтатудың орнына аймаққа гуманитарлық көмек жеткізуді жеңілдету үшін «уақытша гуманитарлық үзілістерді» құптайтынын атап көрсетті.

Хамастың әскери қанаты Кассам бригадасы 7 қазан күні Израильге «Ақса топаны» деп аталатын жан-жақты шабуыл жасағанын хабарлаған болатын.

Бұған жауап ретінде Израиль армиясы да әскери ұшақтармен Газа секторына қарсы «Темір қылыштар» операциясын бастағанын хабарлады.