Гибридті жұмыс істеу адам денсаулығына пайдалы екен

Америкалықтардың 96 пайызы гибридті жұмыс олардың психикалық денсаулығына пайдалы деп санайды.

Америкалық "FlexJobs" компаниясы жаңа типтегі коронавирус (Ковид-19) індетінен (2020-2022) кейін өзгерген еңбек жағдайлары туралы жүргізген сауалнамаға негізделгенде америкалық қызметкерлердің 96 пайызы гибридті жұмыс олардың психикалық денсаулығына пайдалы екені көзқарасында.

"Forbes" жаңалықтарына қарағанда онлайн жұмыс мүмкіндіктерін ұсынатын «FlexJobs» деп аталатын компанияның сарапшылары қызметкерлердің қашықтан жұмыс істеу тәсілін зерттейтін сауалнама жүргізді.

Сауалнамаға қатысқан 5 мың 600 адамның 96 пайызы кеңседе жұмыс істеумен салыстырғанда гибридті жұмысты өздерінің психикалық денсаулығына пайдалы болатынын білдірді.

Гибридті жұмыс істегісі келетін 96 пайыздың 47 пайызы қашықтан жұмыс істеуді жөн көрсе, 49 пайызы кеңседен де, қашықтан да жұмыс істегісі келетінін білдірді.

Қатысушылардың 4 пайызы ғана кеңседе жұмыс істеуді жөн көрген.

Әртүрлі ортада қашықтан жұмыс істеудің олардың психикалық денсаулығына оң әсер ететінін білдірген қатысушылардың 30 пайызы қашықтан жұмыс істеу олардың қабілетіне оң әсер ететінін айтты.

Қызметкерлер жұмысын қай жерде және қашан аяқтайтынына қарап өнімділік деңгейін өлшеген сарапшылар қашықтан және гибридті жұмыс тиімдірек деген қорытындыға келді.

Мамандар қашықтан жұмыс істеудің адам денсаулығына ең үлкен пайдасы стресс деңгейін төмендету екенін анықтады.

Сауалнамада жұмысқа барып-келу арасындағы жол жүру процесі қызметкерлердің 87 пайызында стресс тудырғаны анықталды.

Сауалнама нәтижелері «Flexjobs» сайтында жарияланды.