АҚШ Норвегияға әскери жабдық сатады

Америка Құрама Штаттарының (АҚШ) Мемлекеттік департаменті Норвегияға 1 миллиард 166 миллион долларлық әскери жабдық сатуды мақұлдады.

АҚШ Қорғаныс Қауіпсіздік Ынтымақтастық Агенттігінен жасалған жазбаша мәлімдемеде «Мемлекеттік департамент шамамен құны 1 миллиард доллар болатын "MH-60R" көп мақсатты тікұшақ пен оған қатысты құрал-жабдықтардың Норвегияға сатылуын мақұлдауға шешім қабылдады" деп көрсетілді.

Конгреске сатуды мақұлдау туралы хабарлама жіберілгені айтылған мәлімдемеде сатылым пакетіне 6 "MH-60R" тікұшағы, 15 "T-700 GE-401C" қозғалтқышы, 9 сілтеме 16 көп функционалды ақпарат тарату жүйесінің бірлескен тактикалық радио терминалы, 18 "GPS/PPS" жүйесі және оларды қолдау жабдығы кіреді.

Агенттік жасаған басқа мәлімдемеде Норвегияның инвентарындағы "C-130J" ұшақтарын 2028 жылға дейін қолдануы үшін 166 миллион долларлық қосымша сауданы да мақұлданғаны білдірілді.

Мемлекеттік департаменттің қару-жарақ сатуға рұқсат беруі АҚШ әкімшілігіне бұл сатудың қолайлы екенін білдіреді.

Егер АҚШ Конгресі министрліктің шешіміне НАТО мүшелері 15 күн ішінде және НАТО-ға кірмейтін елдер 30 жұмыс күні ішінде қарсы болмаса, әкімшілік сату пакетінің мазмұны мен сатып алу процестері бойынша сату мақұлданған елмен келіссөздерді бастайды.