Иран мен Ирак Сыртқы істер министрлері телефонмен сөйлесті
«IRNA» ақпарат агенттігі министрлердің өзара қарым-қатынастарды талқылағанын жариялады.
Иран Сыртқы істер министрі Хусейн Әмір Абдуллахиян мен Ирак Сыртқы істер министрі Фуад Хусейн «өзара қарым-қатынастар мен аймақтық және халықаралық мәселелерді» талқылады.
Иран ресми ақпарат агенттігі «IRNA»-ның хабарлауынша Абдуллахиян мен ирактық әріптесі Хусейн телефон арқылы сөйлесті.
Министрлер өзара қарым-қатынастар, аймақтағы оқиғалар, аймақтағы қауіпсіздік пен тұрақтылықтың маңыздылығы, терроризммен күреске қоса көптеген мәселеде пікір алмасты.
Ирак Сыртқы істер министрі Хусейн Тегеран мен Эр-Рияд әкімшіліктері арасындағы қарым-қатынастардың қайта жандануына ризашылығын білдірді.
Хусейн сондай-ақ Ирак президенті Абдуллатиф Рашидтің жақын арада Иранға ресми іс-сапармен келетінін хабарлады.
Мәлімдемеде іс-сапардың нақты уақыты туралы ақпарат берілмеді.
Ұқсас жаңалықтар
Орталық Жерорта теңізінде 510 заңсыз мигрант қаза тапты
Осы жылдың басынан бері Орталық Жерорта теңізінде 510 заңсыз мигранттың қайтыс болғаны хабарланды.
