Ауғанстанда 78 адам қайтыс болды

Ауғанстанда соңғы күндері суық ауа райының салдарынан 78 адам үсіп қайтыс болды.

Талибан уақытша үкіметінің Табиғи апаттар жөніндегі мемлекеттік министрлігінің баспасөз хатшысы Шафиулла Рахими баспасөзге мәлімдеме жасады.

Ел бойынша соңғы 9 күнде аяз салдарынан тоңып өлген адам санының 78-ге жеткенін атап көрсеткен Рахими шамамен 75 мың ірі қараның қырылғанын айтты.

Ауғанстан Метеорология институты болса биылғы қыста ауа райының өткен жылғыдан екі есе суық болғанын білдіріп, ең қатты суықтың минус 34 градуспен Гор провинциясында тіркелгенін атап көрсетті.

Талибанның баспасөз хатшысы Забихулла Муджахид өз мәлімдемесінде қаза тапқандардың отбасыларына көңіл айтып, билікке қажетті шараларды қабылдау тапсырылғанын білдірді.