Мишель терроризмге қарсы бірігіп күресудің маңыздылығын атап өтті

Еуропа Одағы Кеңесінің төрағасы Чарльз Мишель Стамбулдағы террорлық шабуылына байланысты Еуропа Одағының түрік халқының қасында екенін түсіндіріп, терроризмге қарсы  бірігіп күресудің маңыздылығын атап өтті.  

Чарльз Мишель Индонезияның Бали аралында өткен 17-ші «Үлкен жиырмалық» саммитінде ұйымдастырылған баспасөз мәслихатында сөз сөйледі.

Стамбулдағы террорлық шабуылға қатысты Мишель «Осы қайғылы шабуылдан кейін біз Еуропа Одағы атынан түрік халқына көңіл айтып, қолдау білдірдік. Бұл терроризмге қарсы күресіміздің ортақ екенін көрсетеді» деген сөздер қолданды.

Терроризммен бірге күресудің өте маңызды екенін білдірген Мишель ықтимал шабуылдардың алдын алу үшін барлық деңгейдегі барлау бөлімшелері арасындағы ынтымақтастықты қамтамасыз етудің маңызды екенін атап өтті.

Мишель «Біз терроризмге қарсы күрес пен барлық жерде ынтымақтастықты қалаймыз. Еуропа Одағының осыған байланысты тұғыры айқын» деп көрсетті.