Жасанды қан адамға құйылды

Зертханалық ортада өндірілген қан алғаш рет клиникалық сынақтың бөлігі ретінде адамға берілді.

BBC-дің хабарлауынша Бристоль, Кембридж және Лондон ғалымдары өкпеден денеге оттегін тасымалдайтын қызыл қан жасушаларына бағытталған зерттеуді бастағаны білдірілді.

Ғалымдар клиникалық сынақтың бір бөлігі ретінде алғаш рет зертханада өндірілген қанды адамға құюда табысқа жетті.

Зертханалық ортада өндірілген қанды адамға құю кезіндегі реакциясы адам ағзасындағы әсерінің радиоактивті зат арқылы бақыланатыны анықталды.

Зерттеудің мақсаты қанды бағыштаудың орнын алу емес, қан бағыштау арқылы алынған қанды қажетті қанға айналдыратын өндіріс желісін құру екені хабарланды.

Бристоль университетінің профессоры Эшли Тойе кейбір қан түрлері өте сирек кездесетінін атап өтті.