Бүгін Украинаның Тәуелсіздік күні

24 ақпанда басталған орыс-украин соғысына 6 ай толды.

Украина президенті Владимир Зеленский Тәуелсіздік күніне арналған жолдауында «Біз Ресейдің сұмдық арандатушылықтары мен жабайы шабуылдарына дайын болуымыз керек» деді.

Киевте болуы мүмкін шабуыл қаупіне байланысты Тәуелсіздік күнін тойлауға тыйым салынды.

Осы шеңберде Харьковте 2 күндік коменданттық сағат жарияланды.

Ал Донецк пен оның оңтүстік аймағында Ресей мен Украина арасындағы қақтығыстар күшейе түсті...

Украина әскерлері Ресейді жақтайтын сепаратистердің бақылауындағы бір әкімшілік ғимаратын бомбалады.

Орыс ақпарат құралдары шабуылда 6 адамның қаза тапқанын хабарлады.