АҚШ Германияға F-35 ұшағын сатады

Америка Құрама Штаттарының (АҚШ) Мемлекеттік департаменті Германияға құны 8.4 миллиард долларлық 35 дана F-35 жойғыш ұшағы мен ұшақ оқ-дәрілерін сатуға рұқсат берді.

АҚШ Қорғаныс қауіпсіздік ынтымақтастық агенттігінің жазбаша мәлімдемесінде:

«Сыртқы істер министрлігі Германияға құны 8.4 миллиард долларлық F-35 ұшақтарын, тиісті жабдықтар мен оқ-дәрілерді сатуға рұқсат беру туралы шешім қабылдады» деп көрсетілді.

Конгреске сатуды мақұлдау туралы хабарлама жіберілгенін білдірген мәлімдемеде сату пакетіне кәдімгі қону және ұшуға қабілетті 35 дана F-35A ұшағы, 37 қосалқы қозғалтқыштар, әртүрлі калибрлі және мүмкіндіктердегі көптеген әскери ұшақтардың оқ-дәрілері және басқа да қолдау құралдары кіретіні атап өтілді.

Сатуды мақұлдау Германияның Украинаға зымыранға қарсы қорғаныс жүйесінің жетілдірілген жүйелерін жеткізуге келісімінен кейін жасалғаны назар аударды.

Наурызда Германия үкіметі Торнадо ұшақтарының орнына АҚШ-тан 35 дана F-35 жойғыш ұшағын сатып алатынын хабарлаған болатын.