Бір шприцпен 30 балаға екпе салған
«BBC» телеарнасының хабарына қарағанда, оқиға Сагар ауданында болған.
Үндістанның Мадхья-Прадеш штатында бір шприцпен 30 оқушыға коронавирусқа қарсы (Ковид-19) вакцинасын салған медицина қызметкеріне қарсы тергеу басталды.
Британдық «BBC» телеарнасының хабарына қарағанда, оқиға Сагар ауданында болған.
Балаларымен бірге келген ата-аналар медицина қызметкерінің екпе үшін бір ғана шприц қолданып жатқанын көріп, мектеп басшылығына мән-жайды жеткізген. Вакцинацияны жүргізген Джитендра Рай есімді қызметкер денсаулық сақтау басқармасы бір ғана шприц бергенін және ол бұйрықты орындағанын айтты.
Мемлекеттік денсаулық сақтау министрлігі қызметкерге қатысты сотқа шағым түсіргенімен, вакцинацияға арналған жабдықты қамтамасыз етуге жауапты шенеуніктер үшін де тергеу бастады.
Оппозиция болса керісінше, штаттың денсаулық сақтау министрінің отставкаға кетуін талап етті.
Ұқсас жаңалықтар
Танзаниядағы су тасқынынан 155 адам қаза тапты
Танзанияда нөсер жауын салдарынан болған су тасқынынан 155 адам қаза тапты.
Үндістанда бір қонақүйдегі өртте 6 адам қаза тапты
Үндістанның Бихар уәлаятында бір қонақүйде шыққан өртте 6 адам қаза тапты.
