Швеция мен Финляндия НАТО-ға кіруі туралы хаттамаларға қол қойды

29-30 маусым күндері Испанияның астанасы Мадридте өткен саммитте екі елді одаққа шақыру шешіміне сәйкес НАТО-ға мүше 30 елдің өкілдері Бельгияның астанасы Брюссельдегі штаб-пәтерінде бас қосты.

НАТО Бас хатшысы Йенс Столтенберг бұл әрі екі ел үшін, әрі НАТО-ның қауіпсіздігі үшін де тарихи сәт екенін айтты.

Мадрид саммитінде қол қойылған үштік меморандум нәтижесінде Түркияның қауіпсіздік мәселелерінің шешілгенін және ортақ түйінге қол жеткізілгенін атап көрсеткен Столтенберг «Біздің халықтарымыз қауіпсіз болады» деп көрсетті.

Екі елдің ең жаңа мүше болуын мақұлдау процесінің бүгіннен бастап басталғанын айтқан Столтенберг НАТО есіктерінің Еуропа демократияларына ашық екеніне назар аударды.

Финляндия Сыртқы істер министрі Пекка Хаависто да «Терроризм бәрімізге үлкен қауіп төндіреді» деген сөздер қолданып,  елінің НАТО қауіпсіздігіне үлес қосатынына назар аударды.

Швеция Сыртқы істер министрі Анн Линде де елінің НАТО-ның келесі мүшесі ретінде барлық одақтастардың қауіпсіздігіне үлес қосатынын атап өтті.