Иран-АҚШ келіссөздері жалғасуда

Иран Сыртқы істер министрлігінің баспасөз мәлімдемешісі Саид Хатибзаде Америка Құрама Штаттарының (АҚШ) саботаждарына қарамастан келіссөз жолын ілгерілетуге тырысып жатқандарын айтты.

Хатибзаде бас қала Тегеранда өткізген баспасөз мәслихатында Халықаралық Атом энергетикасы агенттігінің (UAEA) Атқару кеңесінің 8 маусым күнгі отырысында Иранға қарсы шешімін жарияламас бұрын АҚШ-қа бір ұсыныс жасағандарын жариялады.

Бұл бастамамен Иранның қайтадан бір келісім жасауға тырысқанын атап көрсеткен Хатибзаде «АҚШ-тың саботажына қарамастан, біз келіссөздер жолын алға жылжытуға тырыстық. Директорлар кеңесінің отырысына дейін Иранның бастамасы Боррель (ЕО Сыртқы қатынастар жоғары өкілі Джозеф Боррель) арқылы екінші тарапқа жеткізілді» деді.

Баспасөз хатшысы Хатибзаде Иранның ұсынысының екі сыртқы істер министрі арқылы жеткізілгенін және жол картасы дайындалғанын, бірақ Америка Құрама Штаттарының қайтадан «келісімді ұзарту және кейінге қалдыруға шешім қабылдағанын» алға тартты.

АҚШ-тың есепті Атқару кеңесіне апарғанына назар аударған Хатибзаде «Бірақ Иранның жауабы шешуші және теңгерімді болды. Ендігі жол сол дипломатиялық жол» деді.

АҚШ-тың 2018 жылы ядролық келісімнен біржақты шыққанын еске салған Хатибзаде қазіргі Вашингтон әкімшілігінің барлық міндеттемелеріне қарамастан бұрынғы президент Дональд Трамп ұстанған жолды жалғастырып жатқанын алға тартты.

Ирандық лауазымды «Жақсы, тұрақты және тиімді келісімге дайынбыз және мақсаттарға жетудің барлық себептерін білеміз» деді.