Конашенков Ресейдің Украинаға тиесілі нысандарды жойғанын мәлімдеді

Ресей Қорғаныс министрлігінің баспасөз хатшысы Игорь Конашенков Украинада 38 украин әскери нысанын әуеден жоғары дәлдіктегі зымырандармен атқылағанын атап көрсетті.

Конашенков жасаған мәлімдемеде Украинадағы соғыста Ресей армиясының әрекеттері туралы ақпарат берді.

Украинадағы шабуылды жалғастыратындарын түсіндірген Конашенков «Ресей Әскери-әуе күштері Украинаның 38 әскери нысанына әуедегі жоғары дәлдіктегі зымырандармен соққы берді. Украин ұлтшылдарының құрамаларына тиесілі 22 бекініс, әскери-техникалық машиналар мен әскерлер жиналған 7 аймақ, Александровка, Гусаровка, Долгенкое және Барвенково елді мекендеріндегі 6 зымыран, артиллерия, оқ-дәрі және жанармай қоймалары жойылды» деді.

Конашенков ресейлік әуе-жауынгерлік тактикалық бөлімшелерінің Украинаның 76 әскери нысанын жойғанын, зымырандық бөлімшелердің болса Украинаның «Точка-У» зымыран кешеніне соққы бергенін айтты.

Ресейдің әуе қорғаныс жүйелерінің Харьков, Донецк, Луганск және Херсон аймақтарында 7 пилотсыз ұшақты жойғанын атап көрсеткен Конашенков Петрополь және Малая Камишеваха елді мекендері маңында 3 «Точка-У» баллистикалық зымыранын құлатқанын хабарлады.

Конашенков осы уақытқа дейін Украина армиясына тиесілі 142 әскери ұшақ, 111 тікұшақ, 621 пилотсыз әуе көлігі, 277 әуе шабуылына қарсы қорғаныс жүйесі, 2 мың 629 танк пен миномет, 302 көп ұңғылы зымыран, 1 мың 154 гаубица мен миномет, 2 мың 445 арнайы әскери техниканың жойылғанын білдірді.

Ресей Қорғаныс министрлігі Ұлттық бақылау орталығының басшысы Михаил Мизинцев Киев әкімшілігінің Ресей армиясының бей-берекет артиллериялық шабуылдары нәтижесінде бейбіт тұрғындарды өлтіргені қауесетімен арандатушылық материалдарын шығаруды жалғастырып жатқанын алға тартты.

Донецктің порт қаласында Украина қарулы күштерінің тұрғын аумақтарына артиллериялық шабуыл жасағанын алға тартқан Мизинцев Украина және батыстық ақпарат агенттіктерінің журналистерінде қираған азаматтық инфрақұрылым нысандарын түсіруге рұқсат бергендерін және бұл материалдардың «орыс әскерінің жабайылығы» деп хабарланатынын айтты.