Нигерияда қайық апатында 26 кісі мерт болды

Нигерияның Сокото уәлаятында жолаушы қайығы аударылуы салдарынан алғашқы санаққа қарағанда 26 кісі қаза тапты.

Нигерия жаңалықтар агенттігінің (NAN) хабарлауынша Шагари ауданының әкімі Алию Дантани мәлімдеме жасап, Сокото уәлаяты Шагари ауданындағы Шагари өзенінде жолаушы мен жүк тасыған қайығы аударылғанын білдірді.

Алию Дантани мәлімдемесінде апаттан кейін іздеу-құтқару топтарының жұмыстарымен 26 адамның мәйіті табылғанын айтты.

Қайықта қанша адамның отырғаны анық емес екенін білдірген Дантани іздеу-құтқару топтарының жұмыстары жалғасқанын хабарлады.