«Ресейге қарсы жаппай гибридтік соғыс жариялады»

Ресей Сыртқы істер министрі Сергей Лавров батыс елдері Ресейді жойғысы келеді деп мәлімдеді.

«(Батыстықтар) Ресейге қарсы жаппай гибридтік соғыс жариялады» деді ол.

Лавров бас қала Мәскеуде ұйымдастырылған «Горчаков Дипломат қоры» жиналысында мәлімдеме жасады.

Еуропадағы саясаткерлердің Гитлерлік Германияда қолданылған «жаппай соғыс» терминін Ресейге қарсы қолданғанын алға тартқан Лавров: "(Батыстықтар) Ресейге қарсы жаппай, гибридті соғыс жариялады. Олардың мақсаттары жасырын емес, олар Ресей экономикасын және тұтастай Ресейді құртып, тұншықтырғысы келетінін ашық түрде жариялады» деді.

Ресейдің оқшауланбағанына назар аударған Лавров: «Біздің әлемнің түкпір-түкпірінен көптеген достарымыз, одақтастарымыз және серіктестеріміз бар» деді.

Сергей Лавров батыстықтардың Біріккен Ұлттар Ұйымының резолюцияларына ықпал ету үшін арандатушылық үгіт-насихат жүргізіп жатқанын мәлімдеді.

«Батыстан тыс елдердің басым көпшілігі біржақты ойынға алданғысы келмейді. Олар үлкен қысымға ұшырауда» деді ол.

Украина әкімшілігінің ядролық қаруға ие болу ниетіне алаңдайтындарын білдірген Лавров: «Біз сонымен бірге Пентагонның Украинада өзінің әскери-биологиялық бағдарламасын жүзеге асыру үшін кемінде отыз зертхана құрғанына  алаңдаймыз», - деді.