АҚШ-тың Мысырға қару сатуына рұқсат берілді

Америка Құрама Штаттарының (АҚШ) Сыртқы істер министрлігі 2,2 миллиард доллары C-130J жүк ұшағы, 355 миллион доллары әуе қорғанысы радарлары, барлығы 2 миллиард 555 миллион долларлық әскери саудаға рұқсат берді.

АҚШ қорғаныс қауіпсіздік ынтымақтастық агенттігінің жазбаша мәлімдемесінде «Сыртқы істер министрлігі Мысырға құны шамамен 2,2 миллиард доллар болатын C-130J Super Hercules жүк ұшағы және тиісті құрал-жабдықтарды сатуға шешім қабылдады» делінген.

Сатудың мақұлданғанына байланысты Конгреске хабарлама жіберілгені айтылған мәлімдемеде сатылған әскери пакетте 12 дана C-130J ұшағы, 12 қосалқы қозғалтқыш және басқа да қолдау жабдықтарының орын алғаны атап өтілді.

Агенттіктен жасалған екінші мәлімдемеде болса Мысырға 355 миллион долларлық әуе қорғанысы радар жүйелерін сатуға рұқсат етілгені атап өтілді.

Мәлімдемеде бұл сатылым пакетіне 3 дана SPS-48 жерге қонысты радар жүйесі, осы жүйелердің қосалқы бөлшектері, қозғалтқыштар, генераторлар және басқа да жабдықтар кіретіні айтылды.

АҚШ Конгресі 30 күндік мерзімде Сыртқы істер министрлігінің шешіміне наразылық көрсетпеген жағдайда, әкімшілік сатуға рұқсат берілген ел және сату пакетінің мазмұны үшін келіссөздерді бастайды.

Осы келіссөздердің соңында АҚШ бұл елге бір ұсыныс хаты ұсынады. Егер ұсынысқа оң жауап алса, сатып алу процесіне өтіледі.