Еуроодақ Украинаға қолдауын қайталады
ЕО Сыртқы байланыстар Жоғарғы өкілі Жозеп Боррель Украина Сыртқы істер министрімен телефонда сөйлесті.
Еуроодақтың Сыртқы байланыстар және қауіпсіздік саясаты жөніндегі Жоғарғы өкілі Жозеп Боррель Украинаның Сыртқы істер министрі Дмитрий Кулебамен телефонда әңгімелесіп, ЕО-тың бұл елге қолдауын қайталады.
Джозеп Боррельдің кеңсесінен жасалған мәлімдемеде Боррель мен Кулебаның әңгіме кезінде Ресейдің Еуропаның негізгі қауіпсіздік ережелеріне нұқсан келтіру әрекетімен байланысты халықаралық дипломатиялық талпыныстар жөнінде пікір алмасылды.
Боррель Францияның Брест қаласында өткен апта жүзеге асырылған бейресми ЕО Сыртқы істер және Қорғаныс министрлері жиналысына қоса, Америка Құрама Штаттары (АҚШ) және НАТО-мен жақындасуының артынан Украинаға берілетін айнымас қолдауды қайталады.
Ресейге шиеленісті азайту және Украина шекарасындағы әскерін шығаруға бағытталған Еуроодақтың шақыруын қайталағанын білдірген Боррель Украинаның байсалды ұстанымын құптады.
Кездесу барысында сондай-ақ Украинаның Мемлекеттік мекемелеріне жасалған кибер шабуылдар да талқыланды. Еуроодақ Украинаның мұндай шабуылдарға қарсы қауіпсіздігіне үлес қосатын қолдауды жалғастыратынын мәлімдеді.
Ұқсас жаңалықтар
Үндістанда бір қонақүйдегі өртте 6 адам қаза тапты
Үндістанның Бихар уәлаятында бір қонақүйде шыққан өртте 6 адам қаза тапты.
