Германиядағы су тасқынында 81 адам көз жұмды

Германиядағы су тасқынынан құрбан болғандар саны 81 адамға жетті. Жүздеген адам хабар-ошарсыз кетті.

Германияның батысындағы Рейнланд-Пфальц және Солтүстік Рейн-Вестфалия федералды өңірлерінде сел және су тасқыны салдарынан көз жұмған адам саны 81-ге ұласты. 

Кобленц полициясы Рейнланд-Пфальц федералды жерінде 50 адам құрбан болғанын, Кельндегі полиция Солтүстік Рейн-Вестфалияда тағы 31 адамның қайтыс болғанын хабарлады. 

Арвейлер аймағында үздіксіз жауған нөсер мен су тасқынының салдарынан төтенше жағдай жарияланды.