Коронавирус эпидемиясында соңғы жағдай

Коронавирустан қайтыс болғандардың саны әлем көлемінде 350 мыңға жетті. Расталған оқиға саны бес жарым миллион, сауығып кеткендердің саны 2 миллион 352 мыңнан асты. 

Эпидемияның Еуропадағы орталығы Ұлыбританияда Covid-19 себепті қайтыс болғандар 36 мың 914-ке жетті.  Жаңа 1 625 оқиға тіркелді. Жалпы вирус жұқтырған науқас саны 261 мың 184-ке жетті. 

Францияда коронавирустан бір күнде 65 адам қайтыс болды. Қайтыс болғандардың жалпы саны 28 мың 432. Вирус анықталған адам саны болса 219 мың 437-ге жетті. 

Испания Денсаулық сақтау министрлігі болса коронавирус эпидемиясында қайтыс болғандардың санын шамамен екі мыңға азайтып, 26 мың 834 деп жөндеді.  Министрлік соңғы 24 сағатта өлім-жітім дерегін жарияламады. 132 адамда вирус анықталғанын хабарлады. Мадридте жұмыс шарттарына наразылық білдірген медициналық қызметкерлер акция жүргізді.  Елде коронавирус жұққан 50 мыңнан астам медициналық қызметкердің 76-сы қайтыс болды.