Әлемнің ең мықты әйелдері жарияланды

«Forbes» журналының 2018 жылғы «Әлемнің ең мықты 100 әйел тізімі» жарияланды.

Германия канцлері Ангела Меркель әлемнің ең мықты әйелдері тізімінде бірінші орынды иеленді.  Екінші орында Ұлыбритания премьер-министрі Тереза Мэй және үшінші орында Халықаралық Валюта фонды төрайымы Кристина Лагард орын алды.

Түркиядан Сабанджы холдингтің Директорлар кеңесінің төрайымы Гүлер Сабанджы да тізімде 64-ші орында.

 Тізімнің алғашқы ондығында Меркель, Мэй және Лагардтан кейін General Motors компаниясының Директорлар кеңесі төрайымы Мэри Барра,  Fidelity компаниясының басшысы Абигаил Джонсон, Bill & Melinda Gates  фондының құрушысы Мелинда Гейтс те бар.

Саясат,  бизнес және өнер әлемінен көптеген әйел қайраткер орын алған тізімге биыл жаңадан 20 есім енді.