Йеменде қақтығыстар артты

Йемен әкімшілігін бақылауда ұстаған хоуситтер мен төңкерілген басшы Али Абдуллах Салих күштері арасында бас қала Санада жалғасқан қақтығыстар кешкі уақытта қайтадан артты.

Бұрынғы елбасы Салих күштерінің әскери бір лауазымдысы хоуситтер мен бас қалада біраз уақыттан бері жалғасқан қақтығыстардың кешкі уақытта қайтадан асқынғанын атап айтты.

Хоуситтердің Алжир даңғылына қарай ілгерілегенін және төңіректегі аумақтарды бақылауға алғанын білдірген лауазымды Салих күштерінің тойтарыс беруімен хоуситтердің кері шегінуге мәжбүр қалғанын жеткізді.

«Хоуситтер ауыр қарулар және танктермен үстімізге қарай келеді. Біздің кезкелген әскери қолдауымыз жоқ» деген лауазымды екі тараптан да ондаған адамның қаза тапқанын және жарақат алғанын атап айтты.

Басқа жағынан Санадағы Иран өкілетті елшілік ғимаратына снаряд оғы құлады.

Әскери ақпарат көздеріне қарағанда Йеменде заңды әкімшілікке қарсы көтерілген Али Абдуллах Салих жақтастары мен хоуситтер арасында Санада жалғасқан қақтығыстар кезінде Иран өкілетті елшілік ғимаратына снаряд атылды.

Снаряд оғының қайдан атылғаны қазірше белгісіз болса да, Өкілетті елшілік ғимаратынан тұман көтерілді.

БҰҰ Йемен гуманитарлық жәрдем координаторы Джейми Мак-Голдрик Санадағы заңды үкіметке қарсы жалғасқан қақтығысты тоқтатуға шақырды.

Мак-Голдрик ресми парақшасынан жасаған мәлімдемеде Санада заңды үкіметке қарсы жалғасқан және уайымдарды арттырған қақтығыстарды тоқтатуға шақырды.

Қақтығыстар себепті көптеген бейбіт адамның үйінен шыға алмағанына назар аударған Мак-Голдрик мәлімдемесінде «Хоуситтер мен Салих жақтастары арасында жалғасқан қақтығыстарда ондаған жазықсыз адамның қаза тапқаны, жүздеген адамның жараланғаны алға тартылады» деді.