Силиври йогурты
Түркияның географиялық белгісі бар өнімдері – 10-2022
Тіркелу уақыты: 31.12.2021
Стамбулдың Силиври ауданының атымен аталған және тарихы 1870 жылдарға дейін созылған «Силиври йогурты» 2021 жылы Силиври қала әкімшілігінің өтінішімен Түркияның географиялық белгісі бар өнімдері арасына енді. «Силиври йогурты» сиыр, қой және су сиырдың сүті араластырылып жасалады. Сарғыш түсті, қалың кілегей қабаты бар қою йогурт. Дәстүрлі түрдегі Силиври йогурты сүт пісірілетін қазан мен сүт ашытылатын «Кервен ошақтары» деп аталатын екі бөліктен тұрады және осы мақсат үшін салынған йогурт үйлерінде өндіріледі. Өндіріс алаңына әкелінген және қышқылдық сынағынан өткен сүт дәкеден немесе ұсақ електен өткізіліп, пісіруге арналған қазандарға құйылады. Сүт түбі жабысып қалмас үшін арнайы ағаш қалақтармен үздіксіз араластырып, 90 цельсий градуста 150 минут баяу қайнатылады.
Содан кейін керамикадан жасалған кішкене қазанға құйылған сүт кілегей қабатын қалыптастыру үшін тот баспайтын болаттан жасалған тайқазанға құйылып, тайқазанның іші біраз сумен толтырылады. Осыдан кейін «Қаймақ пісіру» деп аталатын екінші жылытуға алынған сүт қыш құмыраларына жіңішке инемен ашытқы құйылады. 3-4 сағат ішінде ашытылған Силиври йогурты температурасы 2 градусқа дейін төмендетілген салқындату бөлмесіне қойылады. Қыш құмыраларда бөлек-бөлек ашытылған йогурт сол ыдыстармен сатылады.
SİLİVRİ YOĞURDU
