Իրանը հայտարարել է, որ արտադրել է հիպերձայնային բալիստիկ հրթիռ

Իրանի կիսապաշտոնական Fars News լրատվական գործակալության փոխանցմամբ՝ Իրանի գլխավոր շտաբի պետ գեներալ-մայոր Մոհամմադ Բաքերին մայրաքաղաք Թեհրանում կայացած միջոցառման ժամանակ իր ելույթում ասել է, որ իր երկիրը բալիստիկ հրթիռներ է արտադրում, որոնք կարող են ոչնչացնել շարժվող ծովային մեքենաները։

Նշելով, որ հրթիռի փորձարկումներն ավարտվել են հաջողությամբ և սկսվել է զանգվածային արտադրություն՝ Բաքիրին ասել է.

«Իրանը դարձել է այն երեք երկրներից մեկը, որոնք ունեն այդ հրթիռները՝ արտադրելով այդպիսի հրթիռներ»։

Նշելով, որ խնդրո առարկա բալիստիկ հրթիռի արագությունը 8 մախ է (ձայնի արագությունից 8 անգամ), իսկ հեռահարությունը՝ 1500 կիլոմետր, Բաքիրին հայտարարել է, որ նման հրթիռի առկայության դեպքում շրջակա ծովերում 1000 կիլոմետր շառավղով անվտանգության տարածք կստեղծվի։

Բաքիրին տեղեկություն չի հայտնել, թե երբ և որտեղ է փորձարկվել հրթիռը։