Պուտին, Ալիևն ու Փաշինյանը հանդիպում են ունեցել Սոչիյում
Սոչիում հանդիպել են Ռուսաստանի նախագահ Վլադիմիր Պուտինը, Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը։
Հանդիպման ընթացքում քննարկվել է Ադրբեջանի և Հայաստանի միջև խաղաղության համաձայնագրի հիմքում ընկած փաստաթղթի ստորագրման հարցը։
Պուտինն ասել է, որ հանդիպումը շատ օգտակար էր և բարենպաստ միջավայր է ստեղծել ապագա պայմանավորվածությունների համար։
Ռուս ղեկավարն ասել է․
«Պետք է անկեղծ լինեմ, մենք չկարողացանք ամեն ինչ հաստատել, պետք է որոշ բաներ հանեինք փորձագիտական մակարդակով մշակված նախնական նախագծից։ Այդուհանդերձ, այս քայլը պայմաններ է ստեղծում ընդհանուր իրավիճակի հանգուցալուծմանն ուղղված նոր գործողությունների համար»։
Եռակողմ քննարկումից հետո համատեղ հայտարարությունն ընդունվեց։
Ընդգծելով «տարածաշրջանում կայուն և երկարաժամկետ խաղաղություն ապահովելու համար Ադրբեջանի և Հայաստանի միջև խաղաղության համաձայնագրի ստորագրման ակտիվ նախապատրաստման կարևորությունը», նշվել է, որ պայմանավորվածություն է ձեռք բերվել շարունակել փոխընդունելի լուծումների որոնումը։ Հայտարարության մեջ նշվում է, որ Ալիևն ու Փաշինյանը գոհ են Ռուսաստանի պատրաստակամությունից՝ նպաստելու Հարավային Կովկասում կայունության և բարգավաճման հաստատմանը և հարաբերությունների կարգավորմանը։
Սոչիում ղեկավարների հանդիպմանը զուգահեռ եռակողմ հանդիպում են անցկացրել նաև Ռուսաստանի, Ադրբեջանի և Հայաստանի արտգործնախարարներ Սերգեյ Լավրովը, Ջեյհուն Բայրամովը և Արարատ Միրզոյանը։