Փաշինյան․ Մեծ հավանականությամբ Հայաստանը կմասնակցի Անթալիայում կայանալիք դիվանագիտական ֆորումին
Հայաստանի Վարչապետ Նիկոլ Փաշինյանը ասեց․
«Մեծ է հավանականությունը, որ Հայաստանը կմասնակցի Անթալիայում կայանալիք դիվանագիտական ֆորումին»։
Ֆեյսբուքում հրապարակված ասուլիսում Նիկոլ Փաշինյանը գնահատականներ է տվել Թուրքիայի եւ Ադրբեջանի հետ իր երկրի հարաբերություններին։
Մատնանշելով, որ օրակարգում է Ադրբեջանի հետ խաղաղության համաձայնագրի ստորագրման հարցը՝ Փաշինյանը ասեց․
«Նման պայմանագիր պետք է ստորագրվի, բայց առաջին հերթին այս փաստաթուղթը պետք է ստեղծվի բանակցությունների արդյունքում, Հայաստանը պատրաստ է այդ բանակցություններին»։
Փաշինյանն ընդգծել է, որ իրենք նույնպես ցանկանում են կարգավորել հարաբերությունները Թուրքիայի հետ ու շարունակեց․
«Մենք ցանկանում ենք առանց նախապայմանների դիվանագիտական հարաբերություններ հաստատել եւ բացել սահմանները Թուրքիայի հետ, նախկինում մենք հաջողություն չենք ունեցել եւ պետք է օգտագործենք այդ փորձը»։
Հիշեցնելով, որ Թուրքիայի եւ Հայաստանի բանակցությունները սկսվել են հատուկ ներկայացուցիչների մակարդակով, Փաշինյանը ասեց․
«Մեր հատուկ ներկայացուցիչները հանդիպել են: Եթե այս գործընթացը շարունակվի այսպես, ապա մեծ է հավանականությունը, որ Հայաստանը կմասնակցի Անթալիայում կայանալիք դիվանագիտական ֆորումին: Բանակցությունները շարունակելու հնարավորությունը բաց թողնելը անհիմն կլինի»:
Արտաքին գործերի նախարար Մեւլութ Չավուշօղլուն հունվարի 19-ի հայտարարության մեջ նշել է, որ մարտի 11-13-ը կայանալիք Անթալիայի դիվանագիտության երկրորդ համաժողովին (ADF) հրավիրվել են նաեւ Հայաստանի պաշտոնյաներ։
