Չավուշօղլուն այցելեց Կոսովո

Կոսովոյի նախագահության գրավոր հայտարարության համաձայն՝ Օսմանին ու Չավուշօղլուն կարեւոր հանդիպում են ունեցել, որը հաստատում է «գերազանց միջպետական ​​հարաբերությունները»։

Հանդիպման ընթացքում քննարկվել են արտաքին քաղաքականության, պաշտպանության, առևտրի և այլ ոլորտներում երկկողմ համագործակցությունը, ինչպես նաև տարածաշրջանում և Եվրոպայում առկա զարգացումները։

Օսմանին հանդիպմանը ասել է, որ Արևմտյան Բալկանների ինտեգրումը եվրատլանտյան կառույցներին խոչընդոտում է Ռուսաստանի ազդեցությանը տարածաշրջանում և նրա ապակայունացման միտումներին։

Օսմանին նշել է, որ Կոսովոյի և տարածաշրջանի անդամակցությունը եվրատլանտյան կառույցներին անհրաժեշտություն է ասել է․

«Ես բարձր եմ գնահատում նախագահ (Ռեջեփ Թայիփ) Էրդողանի հստակ աջակցությունը ՆԱՏՕ-ին և այլ միջազգային կառույցներին Կոսովոյի անդամակցությանը: Մեզ նաև անհրաժեշտ է Թուրքիայի կողմից նման աջակցությունը Եվրոպայի խորհրդում Կոսովոյի թեկնածության համար»:

Կոսովոյի և Թուրքիայի հարաբերությունները գնահատելով որպես ռազմավարական՝ Օսմանին ընդգծել է, որ Թուրքիան ՆԱՏՕ-ում նրանց հիմնական գործընկերներից է, և որ Կոսովոյի թուրքական համայնքը և Թուրքիայում ալբանական մեծ սփյուռքը ամուր կամուրջ են գործում երկու երկրների միջև։

Օսմանին հավելել է, որ երկու երկրների հարաբերությունները խորանալու ներուժ ունեն հատկապես ներդրումների և Կոսովոյի Թուրքիա արտահանման ոլորտներում։

Վարչապետ Քուրդիի հետ հանդիպող Չավուշօղլուն իր սոցկայքի գրառմանը հրապարակել է հետևյալը․

«Մենք Կոսովոյի վարչապետ Կուրտիի հետ քննարկել ենք մեր համագործակցության բարելավման հնարավորությունները, ընդգծել ենք Ֆեթուլլահական ահաբեկչական կազմակերպության ՖԵԹՕ-ի ներկայությամբ Կոսովոյի համար սպառնացող վտանգը»։

Կոսովոյում իր շփումների շրջանակներում նախարար Չավուշօղլուն Կոսովոյի շրջակա միջավայրի, տարածքային պլանավորման և ենթակառուցվածքների նախարար Լիբուրն Ալիուի հետ ստորագրել է Քաղաքացիական ավիացիայի փոխըմբռնման հուշագիր։