Նախագահ Էրդողանը հեռախոսազրույց է ունեցել Բայդենի հետ
Նախագահ Ռեջեփ Թայիփ Էրդողանը հեռախոսազրույց է ունեցել Միացյալ Նահանգների (ԱՄՆ) նախագահ Ջո Բայդենի հետ։
Նախագահականի հանրության հետ կապերի վարչության հաղորդագրության համաձայն՝ հանդիպման ընթացքում քննարկվել են տարածաշրջանային զարգացումները, այդ թվում՝ Ուկրաինայի վրա Ռուսաստանի հարձակումը, Թուրքիա-ԱՄՆ հարաբերությունները։
Նշելով, որ իրենք շարունակում են ջանքերը Ռուսաստանի և Ուկրաինայի միջև քաղաքական լուծման հասնելու համար՝ նախագահ Էրդողանը նշել է, որ Թուրքիայի համար կարևոր է, որ կարողանա զրուցել երկու կողմերի հետ և լինել հանգուցալուծման որոնման գործընթացում ճգնաժամի խորացման դեպքում։
Նախագահ Էրդողանը նշել է, որ Թուրքիայի կողմից բացված վստահության ալիքի շնորհիվ՝ Ռուսաստանի և Ուկրաինայի արտգործնախարարները Թուրքիայի կողմից հյուրընկալված Անթալիայում առանց միջնորդությամբ խոսելու հնարավորություն են գտել ու նույնիսկ հանդիպման կազմակերպումն ինքնին դիվանագիտական հաղթանակ էր։
Նշելով, որ ակնկալում է, որ Թուրքիայի պահանջը, որը ներառում է ԱՄՆ-ից 40 նոր ինքնաթիռների գնումը և առկա F-16-ների արդիականացումը, հնարավորինս շուտ կավարտվի, նախագահ Էրդողանը հայտարարել է, որ վաղուց ժամանակն է չեղարկել Թուրքիայի դեմ բոլոր անարդար պատժամիջոցներըպաշտպանական արդյունաբերության ոլորտում։
Սպիտակ տան խոսնակ Փսակին, մյուս կողմից, հայտարարել է, որ Էրդողանն ու Բայդենը «կառուցողական» հանդիպում են ունեցել, և որ Բայդենը շատ գոհ է Թուրքիայի դիվանագիտական նախաձեռնությունից այսօր (Ռուսաստանի և Ուկրաինայի նախարարների հանդիպումը Անթալիայում):
