Թուրքական Մամուլ
27.01.2023
Հաբեր Թուրք․ « Չելիք․ Արեւմտյան լրատվամիջոցները պարզունակ սեւ քարոզչություն են անում»
Արդարություն և բարգավաճում կուսակցության խոսնակ Օմերն արձագանքել է որոշ արևմտյան լրատվամիջոցների կողմից նախագահ Ռեջեփ Թայիփ Էրդողանի սիստեմատիկ թիրախավորմանը։ Չելիքն ասել է. «Արևմտյան որոշ լրատվամիջոցներ բացահայտ հայտարարում են, որ իրենց անհարմար է մեր նախագահի արտաքին քաղաքականության մեջ անկախ և սկզբունքային գիծ հետևելը։ Նրանց արածը հեռարձակման գործունեություն չէ. Դա պարզունակ սեւ քարոզչություն է»։
Հյուրրիյեթ․ «Չավուշօղլուի արձագանքը Շվեդիային»
Շվեդիայում Ղուրանի հրկիզման սադրանքի մասին ԱԳ նախարար Մևլութ Չավուշօղլուն ասել է. «Այս զազրելի արարքն իրականում ատելության ոճիր է, ռասիստական արարք: Ոչ ոք չպետք է փորձի դա մեզ բացատրել որպես մտքի ազատություն»։
Յենի Շաֆակ․ «Չավուշօղլու․ ԱՄՆ մեզնից փախցրել է ԴԱԻՇ-ին»
Պաշտոնապես հաստատվել է, որ ԴԱԻՇ-ի դեմ պայքարի պատրվակով Սիրիայում հաստատված և PKK-ի համար ճանապարհ հարթած Ամերիկայի Միացյալ Նահանգները (ԱՄՆ) պաշտպանում է նաև ԴԱԻՇ ահաբեկիչներին։ Արտաքին գործերի նախարար Չավուշօղլուն հայտարարել է, որ մինչ Թյուրքիյեն մաքրում էր Սիրիայի հյուսիսը, ԱՄՆ-ը ԴԱԻՇ-ի անդամներին մաքսանենգ ճանապարհով տեղափոխում էր Աֆղանստան, մինչդեռ Մայք Պոմպեոն CIA-ի տնօրենն էր։
