«Մեծ յոթնյակի» երկրների ղեկավարները դատապարտել են Ռուսաստանին
«Մեծ յոթնյակի» երկրների ղեկավարները դատապարտել են Ռուսաստանի վերջին հրթիռային հարձակումները Ուկրաինայի վրա և հայտարարել, որ շարունակելու են իրենց ֆինանսական, հումանիտար, ռազմական և դիվանագիտական աջակցությունն այս երկրին։
«Մեծ յոթնյակի» երկրների առաջնորդները՝ բաղկացած ԱՄՆ-ից, Կանադայից, Գերմանիայից, Մեծ Բրիտանիայից, Ֆրանսիայից, Իտալիայից և Ճապոնիայից, հավաքվել են արտահերթ հանդիպման այն բանից հետո, երբ ռուսական ուժերը հրթիռային հարվածներ են հասցրել Ուկրաինայի բազմաթիվ շրջանների վրա։
Տեսակոնֆերանսի ղեկավարության կազմակերպած գագաթնաժողովին մասնակցել է նաև Ուկրաինայի նախագահ Վլադիմիր Զելենսկին։
Գագաթնաժողովից հետո ընդունված համատեղ հայտարարության մեջ առաջնորդները հայտարարեցին, որ ամենախիստ կերպով դատապարտում են Ռուսաստանի կողմից Ուկրաինայի վրա իրականացված հրթիռային հարձակումները։
Նշելով, որ հարձակումների համար պատասխանատվության կենթարկեն Ռուսաստանի նախագահ Վլադիմիր Պուտինին և այլ պաշտոնյաների, առաջնորդները հայտարարել են, որ դատապարտում են Դոնեցկի, Լուգանսկի, Զարորիջիայի և Խերսոնի շրջանների, ինչպես նաև Ուկրաինայի Ղրիմի և Սևաստոպոլի շրջանների անօրինական անեքսիայի փորձը։
Առաջնորդները կոչ են արել բոլոր երկրներին ընդդիմանալ Ռուսաստանի կողմից միջազգային իրավունքի խախտմանը և դուրս բերել ուժերը Ուկրաինայից, քանի որ Ռուսաստանը բացահայտորեն խախտում է ՄԱԿ-ի կանոնադրությունը։
Ընդգծելով, որ իրենք շարունակելու են ստիպել Ռուսաստանին «տնտեսական գին վճարել», առաջնորդները հայտարարեցին, որ դատապարտում են Ռուսաստանի «անպատասխանատու միջուկային հռետորաբանությունը և լարվածությունը մեծացնելու համար մասնակի մոբիլիզացիայի հայտարարությունը»։
Համատեղ հայտարարությանը ասվել է․
«Մենք հաստատում ենք, որ Ռուսաստանի կողմից քիմիական, կենսաբանական կամ միջուկային զենքի կիրառումը ծանր հետևանքներ կունենա»։
Հայտարարության մեջ, որը նաև դատապարտում է Ռուսաստանի գործողությունները Զապորոժիեի ատոմակայանի դեմ, նշվում է, որ Մոսկվան պատասխանատվություն է կրելու ցանկացած վթարի համար, որը կարող է տեղի ունենալ։
Ղեկավարները նաև կոչ են արել Բելառուսին թույլ չտալ ռուսական ուժերին օգտագործել իր տարածքը և չաջակցել իրենց։
Հայտարարելով, որ իրենք շարունակելու են ֆինանսական, հումանիտար, ռազմական և դիվանագիտական աջակցություն ցուցաբերել Ուկրաինային այնքան ժամանակ, որքան անհրաժեշտ է, առաջնորդները վերահաստատել են իրենց լիակատար աջակցությունը այս երկրի անկախությանը, տարածքային ամբողջականությանը և ինքնիշխանությանը միջազգայնորեն ճանաչված սահմաններում։
Իրենց համատեղ հայտարարության մեջ առաջնորդները նշել են, որ իրենք Զելենսկիին փոխանցել են, որ շարունակելու են վճռականորեն աջակցել Ուկրաինային՝ ներառյալ ձմռանը ռազմական նախապատրաստությունը։
«Մենք կշարունակենք համակարգել ջանքերը՝ Ուկրաինային շտապ անհրաժեշտ ռազմական և պաշտպանական տեխնիկայի ապահովման ուղղությամբ», - ասվում է հայտարարության մեջ:
Հայտարարության մեջ, որը վերաբերում էր նաև «Հյուսիսային հոսք» խողովակաշարերի կանխամտածված վնասմանը, խստորեն դատապարտվեցին հարձակումները կարևոր ենթակառուցվածքների վրա։
