ՄԱԿ. Ռուսաստանը կասետային զինամթերք է օգտագործել Ուկրաինայում
ՄԱԿ-ը հաղորդել է, որ հավաստի տեղեկություններ կան, որ Ռուսաստանը 24 անգամ կասետային զինամթերք է կիրառել Ուկրաինայի բնակելի թաղամասերում։
ՄԱԿ-ի գլխավոր քարտուղարի քաղաքական հարցերով տեղակալ Ռոզմարի դի Կառլոն ՄԱԿ-ի Անվտանգության խորհրդին տված իր ճեպազրույցում ասել է, որ փետրվարի 24-ին Ռուսաստանի կողմից Ուկրաինայի դեմ սկսված պատերազմի ընթացքում առնվազն 1480 խաղաղ բնակիչ է զոհվել, 2195 մարդ վիրավորվել է։
Նշելով, որ հավաստի տեղեկություններ կան, որ Ռուսաստանը առնվազն 24 անգամ կասետային զինամթերք է կիրառել Ուկրաինայի բնակավայրերում, դի Կառլոն ուշադրություն է հրավիրել ինչպես ռուսական բանակի, այնպես էլ ուկրաինական բանակի ու աշխարհազորայինների նկատմամբ սեռական բռնության և բռնաբարության մեղադրանքների վրա։
ՄԱԿ-ի գլխավոր քարտուղարի մարդասիրական հարցերով օգնական Մարտին Գրիֆիթսը Մարիուպոլ քաղաքը համեմատել է «դժոխքի» հետ և ասել, որ Ուկրաինայի բնակչության մեկ քառորդը լքել է երկիրը։
Այս թեմայով լուրեր
Հնդկաստանում մարդատար ինքնաթիռը մխրճվել է ֆլամինգոների երամի մեջ
Հնդկաստանում մարդատար ինքնաթիռը մխրճվել է ֆլամինգոների երամի մեջ՝ սատկել է 36 թռչուն։