Ջրհեղեղ Ինդոնեզիայում․ զոհվել է 5 մարդ
Ինդոնեզիայի Ճավա կղզում տեղի ունեցած ջրհեղեղի հետևանքով առնվազն 5 մարդ է զոհվել, 4-ն անհետացել է։
Ինդոնեզիայի աղետների ազգային գործակալության տվյալների համաձայն՝ Ճավայի Կոտա Բատու քաղաքում հորդառատ անձրեւների հետևանքով 5 գյուղ է հեղեղվել։
Ինդոնեզիայի աղետների ազգային գործակալության մամուլի քարտուղարի տեղակալ Աբդուլ Մուհարին նշել է, որ ջրհեղեղի հետևանքով զոհված 5 մարդու դի է հայտնաբերվել, 4 մարդ անհետ կորել է։
Մուհարին հայտարարել է, որ անհետ կորածների համար սկսվել են որոնողափրկարարական աշխատանքները, երեկվանից շարունակվող գործողություններում 5 մարդ է փրկվել։
Նշելով, որ ճանապարհները փակող ցեխն ու բեկորները հետաձգել են շտապ օգնության աշխատանքները, Մուհարին կիսվել է տեղեկություններով, որ աղետի հետեւանքով վնասվել են որոշ կամուրջներ, տներ եւ տրանսպորտային միջոցներ:
Ինդոնեզիայի աղետների ազգային գործակալության տնօրեն Գանիպ Վարսիտոն նշել է, որ սպասվում է, որ հորդառատ անձրեւները կշարունակվեն մինչեւ փետրվար։
Սեզոնային անձրեւների պատճառով Ինդոնեզիայում ջրհեղեղներն ու սողանքները սովորական երեւույթ են:
Բնական աղետների վարչության տվյալներով՝ 125 միլիոն մարդ, որը համարժեք է արշիպելագի բնակչության կեսին, ապրում է այն տարածքներում, որտեղ կա սողանքների վտանգ:
