Բայդեն. Քաբուլից օգոստոսի 14 -ից տարհանել ենք 28 հազար մարդու
Միացյալ Նահանգները (ԱՄՆ) օգոստոսի 14 -ից Աֆղանստանի մայրաքաղաք Քաբուլից տարհանել է 28 հազար մարդու:
ԱՄՆ նախագահ Ջո Բայդենը, Քաբուլից տարհանումների վերաբերյալ Սպիտակ տանը կայացած մամուլի ասուլիսում, հայտարարել է, որ իրենց առաջնահերթությունը ԱՄՆ քաղաքացիների տարհանումն է:
Հայտնելով, որ Քաբուլում անվտանգության իրավիճակը արագ փոխվել է, Բայդենը տարհանման վերաբերյալ իրեն ուղղված քննադատությունների մասին ասեց․
«Չկա այլ միջոց տարհանման համար ՝ առանց այդ ցավը, կորստի և սրտաճմլիկ տեսարանների, որոնք տեսնում եք հեռուստատեսությամբ»:
Բայդենը ասեց․
«Քաբուլից օգոստոսի 14 -ից տարհանել ենք մոտավորապես 28 հազար մարդու»:
Բայդենը հայտարարել է, որ հուլիսից տարհանված մարդկանց թիվը հասել է մոտավորապես 33 հազարի ու նախազգուշացրեց․
«Մեզ երկար ճանապարհ է սպասվում, եւ շատ բաներ կարող են սխալ լինել»:
Բայդենը հայտարարեց, որ իրենք պայմանավորվածություններ են ձեռք բերել տարհանման վերաբերյալ բազմաթիվ երկրների հետ, այդ թվում ՝ Քաթարի, Գերմանիայի, Քուվեյթի եւ Իսպանիայի, ու ասաց, որ տարհանված աֆղանցիները տեղափոխվում են այդ երկրների ամերիկյան բազաներ, ու նրանք կուղարկվեն ԱՄՆ ՝ անվտանգության ստուգումների ավարտից հետո:
Հայտնելով, որ հույս ունեն մինչեւ օգոստոսի 31 -ը ավարտել տարհանումները, Բայդենը ասաց, որ անհրաժեշտության դեպքում կաջակցի թալիբների դեմ պատժամիջոցներին: