Հնդկաստանում առնվազն 100 մարդ է զոհվել
Հնդկաստանում ավելի քան 100 մարդ է զոհվել տեղատարափ անձրեւների պատճառով
1024321
Հնդկաստանի Ուտար Պրադեշ նահանգում մեկ շաբաթվա ընթացքում առնվազն 106 մարդ է զոհվել, ավելի քան 100-ն էլ վիրավորվել են հզոր մուսսոնային տեղատարափ անձրեւների հետեւանքով։
Ըստ տվյալների՝ երկրի հարավում գտնվող այդ նահանգում վերջին 24 ժամվա ընթացքում տարերային աղետի զոհ է դարձել 14 մարդ, եւս 7-ն էլ տուժել են։ Առնվազն 600 բնակելի տներ են վնասվել, ինչպես նաեւ շուրջ 80 գլուխ անասուն է սատկել։
Նահանգի գլխավոր նախարար Յոգի Ադիտյանաթհը կարգադրել է տեղի իշխանություններին տեղեկացնել բնակիչներին առկա սպառնալիքի մասին, ինչպես նաեւ առավելագույնս օպերատիվ կերպով ֆինանսական եւ բժշկական օգնություն տրամադրել տուժած ընտանիքներին։