Պարզվել է ինքնաթիռի վթարի պատճառը
Հայտնի է դարձել Կոլումբիայում օդանավի կործանման պատճառը:
Հայտնի է դարձել Կոլումբիայում օդանավի կործանման պատճառը
Կոլումբիայում բոլիվիական օդանավի աղետի պատճառը, որի հետեւանքով 71 մարդ էր զոհվել, վառելիքի անբավարար պաշարն էր, չորեքշաբթի մամուլի ասուլիսի ժամանակ հայտնել է Կոլումբիայի քաղաքացիական ավիացիայի անվտանգության ծառայության պետ Ֆրեդի Բոնիլիան:
Օդանավը կործանվել է երեքշաբթի՝ Մեդելինից 50 կմ հեռավորությամբ: Օդանավում 77 մարդ է եղել՝ անձնակազմի 9 անդամ եւ 68 ուղեւոր՝ ներառյալ բրազիլական «Շապեկոենսե» ֆուտբոլային ակումբի խաղացողները եւ անձնակազմը, որը թռչում էր մասնակցելու Հարավամերիկյան գավաթի եզրափակիչի առաջին հանդիպմանը «Աթլետիկո Նասյոնալի» դեմ: Ողջ է մնացել 6 մարդ, որոնցից երեքը «Շապեկոենսե»-ի խաղացողներ են՝ Ալան Ռուշելը, Ջեքսոն Ֆոլմանը եւ Խելիո Սամպիեր Նետոն: Զոհվել է 71 մարդ:
«Ժամանելով պատահարի վայր եւ բեկորները զննելով՝ մենք համոզվեցինք, որ օդանավը վառելիք չի ունեցել: Միջազգային նորմերի համաձայն՝ թռիչքի համար օդանավը բացի հանձնարարված հեռավորության համար անհրաժեշտ վառելիքից, պետք է նվազագույն պաշար ունենա՝ լրացուցիչ 30 րոպե թռչելու համար, որը պահուստ է կոչվում»,- հայտարարել է Բոնիլիան:
Այս թեմայով լուրեր
Հնդկաստանում մարդատար ինքնաթիռը մխրճվել է ֆլամինգոների երամի մեջ
Հնդկաստանում մարդատար ինքնաթիռը մխրճվել է ֆլամինգոների երամի մեջ՝ սատկել է 36 թռչուն։