тоттенһам командиси манчестер бирләшмә командисини 1 гә қарши 6 нәтиҗә билән йәңди
җосе мориниһониң тоттенһам командиси манчестер бирләшмә командисини тарихи мәғлубийәткә дучар қилди.
түркийә авази радийоси хәвири: мусабиқидә үстүнлүкни игилигән ману командисиға бирақла 6 топ киргүзгән тоттенһам командиси 1 гә қарши 6 нәтиҗә билән тарихий әһмийәтгә игә номурға еришти.
енгланд алий бирләшмисиниң 4 – һәптисидики мусабиқиниң алдинқи 7 минутида 3 топ киргүзүлди.
саһибхан манчестер 2 - минутта бруно фернандесниң җаза топи билән алдиға өтти.
4-минутта тангуй ндомбеле номурни тәңпуңлаштурди.
7-минутта хеңмин сон қалтис бир топ билән тоттенһамни алдиға өткүзди.
манчестер бирләшмисидә антоний мартиал 28 - минутта ерик ламелаға қилған һәрикити сәвәбидин қизил карта билән мусабиқидин чиқирип ташланди. 2 минуттин кейин харрий кен пәрқни һәссиләп ашурди.
37 - минутта йәнә сәһнигә чиққан хеңмин сон 1 гә қарши 4 нәтиҗә билән командисини үстүнлүккә игә қилди.
кейинки йерим мәйдан мусабиқида тоттенһам тохтимастин, 51-минутта серге авриер 5-топни киргүзди.
79 - минутта харрий кенниң киргүзгән топи мусабиқиниң нәтиҗисини бәлгилиди. 1 – қарши 6 нәтиҗә билән чоң утуқни қолға кәлтүрди.
җосе мориниһо кона командисиға қарши наһайити кәскин ғәлибигә еришкән болди.