«америка һөкүмити тинчлиқни халиса исраилийәниң ишғалийитигә хатимә бериши керәк»
җумһур рәислик сарийи байанатчиси ибраһим қалин трамп һөкүмитиниң оттура шәрқтә тинчлиқни халиса исраилийәниң ишғалийитигә хатимә бериши вә қуддусни кәмситиш сийаситидин ваз кечиши лазимлиқини ейтти.
түркийә авази радийоси хәвири: қалин «‹ Daily Sabah › гезити» дә елан қилған мақалисидә, трамп һөкүмитиниң қуддусни исраилийәниң пайтәхти дәп етирап қилиш вә америкиниң тел авив баш әлчиханисини қуддусқа йөткәш қарариниң, оттура шәрқ тинчлиқ мусаписи вә хәлқаралиқ дипломатийәгә берилгән еғир зәрбә икәнликини әскәртиш билән бир вақитта, хәлқара җәмийәтниң трамп һөкүмитигә тегишлик җаваб қайтурғанлиқини, бу қарари түпәйли америкиниң дунйа җамаәтчиликиниң ғәзәп – нәпритигә учриғанлиқини тәкитлиди.
америка даирилириниң уда бирқанчә айдин буйан тинчлиқ сөһбитини қайтидин җайландуруш пилани түзүш үчүн тиришчанлиқ көрситиватқанлиқини тәкитлигән қалин мундақ дәп көрсәтти: «әмма техичә бирәр нәтиҗә һасил қилиналмиди. әгәр қуддус қарари бу йеңи пиланниң бир парчиси болса, ундақта, америкиниң пилани өлүк туғулди дегәнликтур.»
йеқинқи йиллардин буйан пәләситнликләрниң тинчлиқ мусаписиниң земинини һазирлаш мәқситидә зиммисигә йүклгәнгән вәзиписини толуқ орунлиғанлиқини қәйт қилған қалин, 2017 – йилниң башлирида һамасниң йеңи бир сийасий һөҗҗәт елан қилип, 1967 – йилқи чегра линийәлирини бекитип чиққанлиқини һәмдә йәһудийлиқ билән сийонизимниң чәк – чеграсини айрип чиққанлиқини хатириләтти.
өктәбир ейида пәләситнлик сийасий партийәләр һамас вә фәтиһниң келишим һасил қилип, музакириләргә «йеганә сада» сүпитидә иштирак қилғанлиқини әскәрткән қалин, бирақ исраилийәниң буниңға қарита сәмимий вә җиддий позитсийә тутмиғанлиқини, шуниң билән, басқучниң киризискә дуч кәлгәнликини ейтти.
у йәнә, бултур йазда исраилийәниң ағвагәрчилик қилип мәсҗиди әқсаниң салаһийитини өзгәртишкә урунушиниң, һәм ишғалийәт астидики районларда һәм пүткүл ислам дунйасида тоқунушқа сәвәб болғанлиқиниму сөзлиригә илавә қилди.
