чомулаңма чоққисиға йалғандин чиққан әр-айал җазаға учриди

түркийә авази радйоси хәвири: һиндистанда алдинқи йили «дунйа бойичә әң егиз тағ чоққиси һесаблинидиған чомулаңма чоққисиға чиққан тунҗи һиндистанлиқ әр-айал» дәп йалған ейтқан сақчи мәмурлири вәзиписдин елип ташланди.

динеш вә таракешвари намлиқ әр-айалниң алдинқи йили 23–майда хитай билән непал чеграсиға җайлашқан чомулаңма чоққисиниң йәр йүзидин 8850 метир егизликтики қисмиға йетип баралиғанлиқи илгири сүрүлгән иди. 

маһараштира өлкилик сақчи идариси мәсули, чомулаңма чоққисиға йамашқан башқа тағ тәнтәрбийәчилири буниң тоғра әмәсликини илгири сүргәндин кейин тәкшүрүшлирини тамамлап, динеш вә таракешвари намлиқ әр–айал һәмбәһирләшкән фото-сүрәтләрниң йалған икәнликини ениқлап чиқти.

өлкилик һөкүмәт йалған сөзлигән 2 сақчини вәзиписидин елип ташлиди.

сақчи идариси мәсули саһебро патил «PTI» хәвәр агентлиқиға бәргән байанатида, әр-айалниң йалған мәлуматларни һәмбәһирләшкәнликини вә сақчи идарисиниң образиға зийан йәткүзгәнликини ейтти.

мәзкур 2 сақчи мәмуриниң 23-май күни чомулаңма чоққисиға йетип баралиған тунҗи һиндистанлиқ әр-айал икәнлики илгири сүрүлгән иди.

улар чомулаңма чоққисиға чиққанлиқиға даир рәсимлирини һәмбәһирләшкән болуп, бирақ йәнә бир һиндистанлиқ тағ тәнтәрбийәчиси сатйаруп сиданта мәзкур әр-айал сақчиниң чомулаңма чоққисиға чиққанлиқиниң пакити сүпитидә һәмбәһирләшкән рәсимлириниң уларға әмәс, өзигә аит икәнликини елан қилған иди.

непал даирилири әр–айалниң йалған ейтқанлиқини ениқлап, алдинқи йили 10 йилғичә тағ тәнтәрбийәсигә қатнишиштин чәкләш җазаси бәргән иди.