дунйа рәһбәрлириниң сирлирини паш қиливәткән ширкәтниң енжинери тутулди

түркийә авази радийоси хәвири: шиветсарийәдә фирансуз тилида чиқидиған «‹ Le Temps › гезити» ниң хәвәр қилишичә, исмини ашкарилашни халимиған бир әмәлдарниң ейтишичә, мәзкур ширкәтниң енжинери дунйа рәһбәрлиригә алақидар мәхпий һөҗҗәтләрни ашкариливетиш билән әйиблинип вақитлиқ қолға елиған. җәнвә районлуқ баш тәптиш мәһкимиси вәқәни тәкшүрүшкә башлиған.

хәлқара тәтқиқатчи журналистлар тәшкилатиниң дунйаға даңлиқ нурғунлиған шәхсләр вә ширкәтләрниң « off-shore »  селинма паалийәтлирини паш қиливәткән панама һөҗҗәтлирини елан қилиши көплигән дөләтләрдики чириклик қилмишлириниң паш қилинишиға сәвәб болған вә бир қисим алий дәриҗилик рәһбәрләрни вәзиписидин истепа беришкә мәҗбур қилғаниди.

«панам һөҗҗәтлири» намида ахбарат вастилириға ашкара қилинған мәхпий һөҗҗәтләрдә көплигән шәхсләр вә ширкәтләрниң хәлқаралиқ баҗ оғрилаш, пул йуйуш, хәлқаралиқ селинмиларға зийан йәткүзүш мәқситидә « off-shore » ширкәтлири вә һесабатлири арқилиқ пул - муамилә ишлири билән шуғулланғанлиқи илгири сүрүлмәктә.

адәттә баҗ тапшурмаслиқ йаки аз баҗ тапшуруш үчүн чәт әлләрдә қурулған вә «баҗ җәннити» дәп аталған бир қисим дөләтләрдики « off-shore» ширкәтлиригә дунйадики мәвҗут мал – мүлүкләр вә пуллар баҗ түзүмлиридин һалқиған һалда аманәт қойулмақта.

җәнвәдә қолға елиған енжинерниң мәзкур ширкәтниң хадими вә компйутер мутәхәссиси болуши едвард сновденни хатилириләтти.

америкиниң сабиқ мәркизи ахбарат тәшкилати (CIA)  вә дөләт бихәтәрлик оргини (NSA)  ниң хадими едвард җозиф сниовден 2013 – йили NSA ниң мәхпий һҗҗәтлирини ахбарат вастилириға ашкарилап, NSA ниң дунйа рәһбәрлирини оғрилиқчә тиңшаш қилмишлирини паш қиливәткәниди.

мәхпий һҗҗәтләрни ашкариливәткәнлики үчүн тутуш буйруқи чиқирилған сновден вақитлиқ панаһлиқ тилигүчи салаһийити билән русийәдә йашимақта.