түркийә ширкәтлири наһайити зор мувәппәқийәтләрни қолға кәлтүрди
мудапиә санаити саһәсисдә 4 түркийә ширкити «дунйадики әң даңлиқ 100 мудапиә санаити ширкити» қатаридин орун алди.
түркийә авази радийоси хәвири: америка қошма иштатлирини мәркәз қилған «‹Defense News› журнили» ниң «дунйадики әң даңлиқ 100 мудапиә санаити ширкити» тизимликидики түркийә ширкәтлириниң сани 4 кә йәтти.
«‹Defense News› журнили» «2023 – йилллиқ дунйадики әң даңлиқ 100 мудапиә санаити ширкити» тизимликини елан қилди.
буниңға асасән, бу тизимликтики 2022-йили 3 болған түркийә мудапиә санаити ширкәтлириниң сани бу йил 4 кә көпәйди.
өткән йили тизимликниң 49-қатаридин орун алған һәрбий електрон санаити гуруһи (ASELSAN) бу йил 47-қатардин орун елип, түркийә ширкәтлири ичидә алдинқи орунни сақлап қалди.
бултур 67-қатардин орун алған түркийә авийатсийә вә аләм бошлуқи санаити гуруһи бу йил 58-қатардин орун алди.
2022 – йили 86 – қатардин орун алған ракета санаити вә сода һәссидарлиқ ширкити (ROKETSAN) 2023 – йили 80 – қатардин орун алди.
«‹Defense News› журнили» ниң «дунйадики әң даңлиқ 100 мудапиә санаити ширкити» тизимликигә тунҗи қетим киргүзүлгән һәрбий завутлар вә кемисазлиқ һәссидарлиқ ширкити (ASFAT) 100-қатардин орун алди.
مۇناسىۋەتلىك خەۋەرلەر
анталйа сайаһәт саһәсисдә рекорт йаратти
сайаһәтчилик саһәсиниң әң җәлпкар вилайәтлиридин бири болған анталйа рекорт йаратти.