дунйа банкиси дунйа дөләтлирини йүз бәргүси еғир иқтисадий кризистин һошйар болушқа чақирди

түркийә авази радийоси хәвири: киристин лагарде, дунйа иқтисадиға тәсир көрсәткән «төт булут» ниң боранға айлиниш еһтимали барлиқини ейтип агаһландурди.

у дубәйдә чақирилған бир йиғинда сөз қилип, һәрқайси дөләт һөкүмәтлиридин пәйда болғуси қара боранға тәййарлиқ қилишни тәләп қилди.

мәзкур хәвпләрниң арисида «сода сүркилишлири вә қошумчә баҗларни өстүрүш, малийәни қисиш, әнглийәниң йавропа иттипақидин айрилиш мусаписиниң турақсизлиқи вә хитай иқтисадидики еғирлишиватқан чекиниш» икәнликини әскәрткән лагарде, америка билән хитай арисидики сода сүркилишиниң тәсириниң һазирдин башлапла оттуриға чиқиватқанлиқини ейтти.

«бу сүркилишниң қандақ пәскойға чүшидиғанлиқини билмәймиз, бирақ, һазирдин тартипла сода вә пул – муамилә базарлиридики ишәнчкә тәсир көрситишкә башлиғанлиқини көрүватимиз»  дегән лагарде, буниңдин башқа һөкүмәт вә ширкәтләрниң еғир дәриҗидики қәрз чиқимлириниңму хәвп пәйда қиливатқанлиқини билдүргән һалда, «һавада бәк көп булут болған чағда, боранниң чиқишиға керәклик бирдинбир нәрсә бир чақмақтур» деди.