трамп түркийә - америка иқтисадий мунасивәтлири тоғрисида тохталди
америка қошма иштатлири пирезиденти доналд трамп, җумһур рәис рәҗәп таййип әрдоған билән өткүзгән телефон сөһбити тоғрисида тохталди.
түркийә авази радийоси хәвири: америка қошма иштатлири пирезиденти доналд трамп, җумһур рәис рәҗәп таййип әрдоған билән өткүзгән телефон сөһбити тоғрисида тохтилип, «америка қошма иштатлири билән түркийә арисидики иқтисадий өзгиришләр тоғрисида сөзләштуқ؛ бу йәрдә һәқиқәтәнму кеңийиш үчүн кәң имканийәт бар» деди.
америка пирезиденти доналд трамп, җумһур рәис әрдоған билән түнүгүн телефонда өткүзгән сөһбити тоғрисида иҗтимаий таратқу тори тивиттердики адреси арқилиқ байанат берип, «даеш қалдуқлириға қарши йеқинқи икки һәптидин буйанқи үнүмлүк елип барған күрәшлиримиз вә 20 мил (32 километир) лиқ бихәтәр районни өз ичигә алған барлиқ мәсилиләргә даир позитсийәмизни йәткүзүш мәқситидә җумһур рәис әрдоған билән сөзләштим. йәнә, америка қошма иштатлири билән түркийә арисидики иқтисадий өзгиришләр тоғрисидиму сөзләштуқ؛ бу йәрдә һәқиқәтәнму кеңийиш үчүн кәң имканийәт бар» дегәнләрни қәйт қилди.
مۇناسىۋەتلىك خەۋەرلەر
түркийәдә ишсизлиқ нисбити төвәнлиди
түркийәдә ишсизлиқ нисбити март ейида алдинқи айға селиштурғанда % 0.1 азийип, ٪8.6 кә төвәнлиди.
түркийәниң санаәт мәһсулатлирини ишләпчиқириш көрсәткүчи ашти
түркийәниң санаәт мәһсулатлирини ишләпчиқириш көрсәткүчи йиллиқ нисбәттә % 4.3 ашти.